Hoxe foi outro día intenso para o equipo de Lamego e o noso alumnado de 3º da ESO. As actividades que se levaron a cabo inclúen: "Position yourself" (realizada polas profesoras portuguesas, sobre as vacinas), charla impartida por 3 enfermeiros/as do centro de saúde (sobre as vacinas e o programa de vacinación galego e portugués), visionado da película 22 ánxeles (sobre a vida de Isabel Zendal), e participación nun xogo interactivo e educativo sobre o contido da película e as vacinas. Pola tarde, fixeron unha visita guiada ofertada polo concello no pobo de Ordes (durante a que visitaron o museo do traxe, o centro Isabel Zendal, o paseo polo río e os muíños, as súas pinturas murais, e outros edificios de interese).
No hay comentarios:
Publicar un comentario